میں بھی شریک مرگ ہوں مر میرے سامنے

میں بھی شریک مرگ ہوں مر میرے سامنے

میری صدا کے پھول بکھر میرے سامنے

آخر وہ آرزو میرے سر پر سوار تھی

لائے تھے جس کو خاک بہ سر میرے سامنے

کہتے نہیں ہیں اس کا سخن میرے آس پاس

دیتے نہیں ہیں اس کی خبر میرے سامنے

آگے بڑھوں تو زرد گھٹا میرے روبرو

پیچھے مڑوں تو گرد سفر میرے سامنے

میں خود کسی کے خون کی آندھی ہوں ان دنوں

اڑتی ہوئی ہوا سے نہ ڈر میرے سامنے

آنکھوں میں راکھ ڈال کے نکلا ہوں سیر کو

شاخوں پہ ناچتے ہیں شرر میرے سامنے

طاری ہے اک سکوت ظفرؔ خاک و خشت پر

جاری ہے بادلوں کا سفر میرے سامنے

main bhi sharik-e-marg hun mar mere samne

meri sada ke phul bikhar mere samne

akhir wo arzu mere sar par sawar thi

lae the jis ko khak ba sar mere samne

kahte nahin hain us ka sukhan mere as pas

dete nahin hain us ki khabar mere samne

age barhun to zard ghata mere rubaru

pichhe murun to gard-e-safar mere samne

main khud kisi ke khun ki andhi hun in dinon

urti hui hawa se na dar mere samne

ankhon mein rakh dal ke nikla hun sair ko

shakhon pe nachte hain sharar mere samne

tari hai ik sukut zafar khak-o-khisht par

jari hai badalon ka safar mere samne