لب پہ تکریم تمنائے سبک پائی ہے

لب پہ تکریم تمنائے سبک پائی ہے

پس دیوار وہی سلسلہ پیمائی ہے

تختۂ لالہ کی ہر شمع فروزاں جانے

کس بھلاوے میں مجھے دیکھ کے لہرائی ہے

خاک در خاک چھپی ہے مری آنکھوں کی چمک

جس خرابے میں تری انجمن آرائی ہے

اپنے ہی پاؤں کی آواز سے ڈر جاتا ہوں

میں ہوں اور رہ گزر بیشۂ تنہائی ہے

پھر سر صبح کسی درد کے در وا کرنے

دھان کے کھیت سے اک موج ہوا آئی ہے

lab pe takrim-e-tamanna-e-subuk pai hai

pas-e-diwar wahi silsila paimai hai

takhta-e-lala ki har shama farozan jane

kis bhulawe mein mujhe dekh ke lahrai hai

khak-e-dar khak chhupi hai miri ankhon ki chamak

jis kharabe mein tiri anjuman arai hai

apne hi paon ki awaz se dar jata hun

main hun aur rah guzar besha-e-tanhai hai

phir sar-e-subh kisi dard ke dar wa karne

dhan ke khet se ik mauj hua ai hai