ہے کوئی اختیار دنیا پر

ہے کوئی اختیار دنیا پر

نہ ہمیں اعتبار دنیا پر

اپنا دار و مدار دل پر ہے

آپ کا انحصار دنیا پر

جب جھڑا میرا آخری پتا

آ چکی تھی بہار دنیا پر

حملہ آور ہوا خدا خود بھی

اس نحیف و نزار دنیا پر

جب کوئی ابر جھوم کر برسا

چھا رہا تھا غبار دنیا پر

ڈال رکھی تھی کوئی خود اس نے

چادر انتظار دنیا پر

سارا الزام دھر دیا کیسا

ہم نے پایان کار دنیا پر

یوں توقع ہی باندھنا تھی غلط

ایسی ناپائیدار دنیا پر

ہم پہ دنیا ہوئی سوار ظفرؔ

اور ہم ہیں سوار دنیا پر

hai koi ikhtiyar duniya par

na hamen etibar duniya par

apna dar-o-madar-e-dil par hai

ap ka inhisar duniya par

jab jhara mera akhiri patta

a chuki thi bahar duniya par

hamla awar hua khuda khud bhi

is nahif-o-nizar duniya par

jab koi abr jhum kar barsa

chha raha tha ghubar duniya par

dal rakhi thi koi khud us ne

chadar-e-intizar duniya par

sara ilzam dhar diya kaisa

ham ne payan-e-kar-e-duniya par

yun tawaqqo hi bandhna thi ghalat

aisi napaidar duniya par

ham pe duniya hui sawar zafar

aur ham hain sawar duniya par