دریائے تند موج کو صحرا بتائیے

دریائے تند موج کو صحرا بتائیے

سیدھا بھی ہو سوال تو الٹا بتائیے

جیسا بھی ہے وہ سامنے سب کے ہے کس لیے

ایسا بتائیے اسے ویسا بتائیے

کیوں چھوڑ کر گیا تھا وہ کیوں پھر سے آ گیا

آگے بتا بھی سکتے تھے اب کیا بتائیے

محفل کی رونقیں ہوں کہ بازار کا ہجوم

یہ دل جہاں بھی ہو اسے تنہا بتائیے

یا قتل کیجئے اسے اپنے ہی نام پر

یا اجنبی کو شہر کا رستا بتائیے

جس کی کبھی جھلک بھی نہ دیکھی ہو عمر بھر

تو ہی بتا ظفرؔ اسے کیسا بتائیے

dariya-e-tund mauj ko sahra bataiye

sidha bhi ho sawal to ulta bataiye

jaisa bhi hai wo samne sab ke hai kis liye

aisa bataiye use waisa bataiye

kyun chhor kar gaya tha wo kyun phir se a gaya

age bata bhi sakte the ab kya bataiye

mahfil ki raunaqen hun ke bazar ka hujum

ye dil jahan bhi ho use tanha bataiye

ya qatl kijiye use apne hi nam par

ya ajnabi ko shahr ka rasta bataiye

jis ki kabhi jhalak bhi na dekhi ho umr bhar

tu hi bata zafar use kaisa bataiye