جہاں لمحۂ شام بکھیر دیا

جہاں لمحۂ شام بکھیر دیا

وہیں اک پیغام بکھیر دیا

خود اوس کے قدموں میں اپنا

سب پختہ و خام بکھیر دیا

چالاک پرندہ تھا وہ بھی

ہم نے بھی دام بکھیر دیا

جتنی تکلیف اکٹھا کی

اتنا آرام بکھیر دیا

دروازہ کھولا جلدی سے

اور سارا کام بکھیر دیا

jahan lamha-e-sham bikher diya

wahin ik paigham bikher diya

khud os ke qadmon mein apna

sab pukhta-o-kham bikher diya

chalak parinda tha wo bhi

ham ne bhi dam bikher diya

jitni taklif ikattha ki

itna aram bikher diya

darwaza khola jaldi se

aur sara kam bikher diya