جس نے نفرت ہی مجھے دی نہ ظفرؔ پیار دیا

جس نے نفرت ہی مجھے دی نہ ظفرؔ پیار دیا

میں نے سب کچھ اسے کیوں ہار دیا وار دیا

اک نظر نصف نظر شوخ نے ڈالی دل پر

اور اس دشت کو پیرایۂ گلزار دیا

وقت ضائع نہ کرو ہم نہیں ایسے ویسے

یہ اشارہ تو مجھے اس نے کئی بار دیا

زندہ رکھتا تھا مجھے شکل دکھا کر اپنی

کہیں روپوش ہوا اور مجھے مار دیا

کوئی اس بات کو تسلیم کرے یا نہ کرے

صبح کی سیر نے مجھ کو دل بیمار دیا

زردیاں ہیں مرے چہرے پہ ظفرؔ اس گھر کی

اس نے آخر مجھے رنگ در و دیوار دیا

jis ne nafrat hi mujhe di na zafar pyar diya

main ne sab kuchh use kyun har diya war diya

ik nazar nisf nazar shokh ne dali dil par

aur is dasht ko pairaya-e-gulzar diya

waqt-e-zae na karo ham nahin aise waise

ye ishara to mujhe us ne kai bar diya

zinda rakhta tha mujhe shakl dikha kar apni

kahin ruposh hua aur mujhe mar diya

koi is bat ko taslim kare ya na kare

subh ki sair ne mujh ko dil-e-bimar diya

zardiyan hain mire chehre pe zafar is ghar ki

us ne akhir mujhe rang-e-dar-o-diwar diya