چلو یوں ہی سہی ترک تعلق کر ہی لیتے ہیں

چلو یوں ہی سہی ترک تعلق کر ہی لیتے ہیں

جو تم خوش ہو تو ہم مرنے سے پہلے مر ہی لیتے ہیں

اگرچہ ہم تمہاری ہی طرح خوددار ہیں پھر بھی

تمہارے نام پر کچھ روز آہیں بھر ہی لیتے ہیں

تمہارے عشق کی تہمت بہت اچھی لگی ہم کو

کوئی بھی چیز لینی ہو تو ہم بہتر ہی لیتے ہیں

خدا کے خوف سے کھلتا ہے نیکی کا جو دروازہ

تو ہم بھی نیک بننے کو خدا سے ڈر ہی لیتے ہیں

رہے نقصان میں اب کے بھی کاروبار ہستی میں

کہ اکثر ہم ستاروں کی جگہ پتھر ہی لیتے ہیں

نہیں ہے گرم جوشی کی تپش باقی اگر تجھ میں

تو پھر بے مہریوں کی ٹھنڈ میں ہم ٹھر ہی لیتے ہیں

قتیلؔ ان قاتلوں کا سامنا تم ہوش سے کرنا

کبھی لیتے تھے یہ دل بھی مگر اب سر ہی لیتے ہیں

chalo yun hi sahi tark-e-taalluq kar hi lete hain

jo tum khush ho to ham marne se pahle mar hi lete hain

agarche ham tumhari hi tarah khuddar hain phir bhi

tumhare nam par kuchh roz ahen bhar hi lete hain

tumhare ishq ki tohmat bahut achchhi lagi ham ko

koi bhi chiz leni ho to ham behtar hi lete hain

khuda ke khauf se khulta hai neki ka jo darwaza

to ham bhi nek banne ko khuda se dar hi lete hain

rahe nuqsan mein ab ke bhi karobar-e-hasti mein

ke aksar ham sitaron ki jagah patthar hi lete hain

nahin hai garm joshi ki tapish baqi agar tujh mein

to phir be mahriyon ki thand mein ham thir hi lete hain

qatil in qatilon ka samna tum hosh se karna

kabhi lete the ye dil bhi magar ab sar hi lete hain