حکایات لب و رخسار سے آگے نہیں جاتے

حکایات لب و رخسار سے آگے نہیں جاتے

وہ نغمے جو تمہارے پیار سے آگے نہیں جاتے

کمندیں ڈالنے آئے تھے جو بام ثریا پر

وہی اب سایۂ دیوار سے آگے نہیں جاتے

گدائے ذات کیا جانیں نوائے کائنات اے دل

یہ وہ منصور ہیں جو دار سے آگے نہیں جاتے

بڑی ہمت دکھائیں گے تو ساحل چھوڑ جائے گا

ہمارے ناخدا منجدھار سے آگے نہیں جاتے

عجب اہل سماعت ہیں جو زنجیروں سے گھبرا کر

تری پازیب کی جھنکار سے آگے نہیں جاتے

مرتب جن کو اپنی آبلہ پائی نہیں کرتی

وہ افسانے گل و گلزار سے آگے نہیں جاتے

hikayat-e-lab-o-rukhsar se age nahin jate

wo naghme jo tumhare pyar se age nahin jate

kamanden dalne ae the jo bam-e-surayya par

wahi ab saya-e-diwar se age nahin jate

gadae zat kya janen nawa-e-kainat ai dil

ye wo mansur hain jo dar se age nahin jate

bari himmat dikhaenge to sahil chhor jaega

hamare nakhuda manjdhar se age nahin jate

ajab ahl-e-samaat hain jo zanjiron se ghabra kar

tiri pazeb ki jhankar se age nahin jate

murattib jin ko apni abla pai nahin karti

wo afsane gul-o-gulzar se age nahin jate