کچھ غنچہ لبوں کی یاد آئی کچھ گل بدنوں کی یاد آئی

کچھ غنچہ لبوں کی یاد آئی کچھ گل بدنوں کی یاد آئی

جو آنکھ جھپکتے بیت گئیں ان انجمنوں کی یاد آئی

مجروح گلوں کے دامن میں پیوند لگے ہیں خوشبو کے

دیکھا جو بہاروں کا یہ چلن سنسان بنوں کی یاد آئی

تھی ہوش و خرد سے کس کو غرض ارباب جنوں کے حلقے میں

جب فصل بہاراں چیخ اٹھی تب پیرہنوں کی یاد آئی

کیا کم ہے کرم یہ اپنوں کا پہچاننے والا کوئی نہیں

جو دیس میں بھی پردیسی ہیں ان ہم وطنوں کی یاد آئی

شیریں کی اداؤں پر مائل پرویز کی سطوت سے خائف

جو بن نہ سکے فرہاد کبھی ان تیشہ زنوں کی یاد آئی

چھایا ہے قتیلؔ اکثر دل پر نادیدہ نظاروں کا جادو

ہم بادیہ پیما تھے لیکن پھر بھی چمنوں کی یاد آئی

kuchh ghuncha labon ki yad ai kuchh gul badnon ki yad ai

jo ankh jhapakte bit gain in anjumanon ki yad ai

majruh gulon ke daman mein paiwand lage hain khushbu ke

dekha jo baharon ka ye chalan sunsan banon ki yad ai

thi hosh-o-khirad se kis ko gharaz arbab-e-junun ke halqe mein

jab fasl-e-baharan chikh uthi tab pairahanon ki yad ai

kya kam hai karam ye apnon ka pahchanne wala koi nahin

jo des mein bhi pardesi hain un ham watnon ki yad ai

shirin ki adaon par mail parwez ki satwat se khaif

jo ban na sake farhad kabhi un tesha zanon ki yad ai

chhaya hai qatil aksar dil par nadida nazaron ka jadu

ham badiya paima the lekin phir bhi chamnon ki yad ai