پیار دلار کے سائے سائے چلا کرو

پیار دلار کے سائے سائے چلا کرو

جلتے لوگو کچھ تو اپنا بھلا کرو

پیار کی آنچ نکھار کا باعث بنتی ہے

جلنا ہے تو پیار کی آگ میں جلا کرو

سوچ تمہاری کندن بن کر دمکے گی

کسی کی تپتی یادوں میں تم ڈھلا کرو

پیڑ یہاں کچھ سدا بہار بھی ہوتے ہیں

موسم موسم تم بھی پھولا پھلا کرو

کوئی منظر پاؤں کی زنجیر نہیں

وادی وادی آزادی سے چلا کرو

اس میں ہیں کچھ بدنامی کے پہلو بھی

جھوٹے چھلبل سے مت کسی کو چھلا کرو

ننگا کر دیتی ہے غم کو ہنسی قتیلؔ

چہرے پر یہ غازہ کم کم کرا کرو

pyar dular ke sae sae chala karo

jalte logo kuchh to apna bhala karo

pyar ki anch nikhar ka bais banti hai

jalna hai to pyar ki ag mein jala karo

soch tumhari kundan ban kar damkegi

kisi ki tapti yadon mein tum dhala karo

per yahan kuchh sada bahar bhi hote hain

mausam mausam tum bhi phula phala karo

koi manzar paon ki zanjir nahin

wadi wadi azadi se chala karo

is mein hain kuchh badnami ke pahlu bhi

jhute chhalbal se mat kisi ko chhila karo

nanga kar deti hai gham ko hansi qatil

chehre par ye ghaza kam kam kara karo