طرب خانوں کے نغمے غم کدوں کو بھا نہیں سکتے

طرب خانوں کے نغمے غم کدوں کو بھا نہیں سکتے

ہم اپنے جام میں اپنا لہو چھلکا نہیں سکتے

چمن والے خزاں کے نام سے گھبرا نہیں سکتے

کچھ ایسے پھول بھی کھلتے ہیں جو مرجھا نہیں سکتے

نگاہیں ساتھ دیتی ہیں تو سنتے ہیں وہ افسانے

جو پلکوں سے جھلکتے ہیں زباں پر آ نہیں سکتے

اب آ کر لاج بھی رکھ لے خزاں دیدہ بہاروں کی

یہ دیوانے فسانوں سے تو جی بہلا نہیں سکتے

کچھ ایسی دکھ بھری باتیں بھی ہوتی ہیں محبت میں

جنہیں محسوس کرتے ہیں مگر سمجھا نہیں سکتے

چلو پابندی فریاد بھی ہم کو گوارا ہے

مگر وہ گیت جو ہم مسکرا کر گا نہیں سکتے

ہمیں پتوار اپنے ہاتھ میں لینے پڑیں شاید

یہ کیسے ناخدا ہیں جو بھنور تک جا نہیں سکتے

tarab khanon ke naghme gham kadon ko bha nahin sakte

ham apne jam mein apna lahu chhalka nahin sakte

chaman wale khizan ke nam se ghabra nahin sakte

kuchh aise phul bhi khulte hain jo murjha nahin sakte

nigahen sath deti hain to sunte hain wo afsane

jo palkon se jhalakte hain zaban par a nahin sakte

ab a kar laj bhi rakh le khizan dida baharon ki

ye diwane fasanon se to ji bahla nahin sakte

kuchh aisi dukh bhari baten bhi hoti hain mohabbat mein

jinhen mahsus karte hain magar samjha nahin sakte

chalo pabandi-e-fariyad bhi ham ko gawara hai

magar wo git jo ham muskura kar ga nahin sakte

hamen patwar apne hath mein lene paren shayad

ye kaise nakhuda hain jo bhanwar tak ja nahin sakte