احترام لب و رخسار تک آ پہنچے ہیں

احترام لب و رخسار تک آ پہنچے ہیں

بوالہوس بھی مرے معیار تک آ پہنچے ہیں

جو حقائق تھے وہ اشکوں سے ہم آغوش ہوئے

جو فسانے تھے وہ سرکار تک آ پہنچے ہیں

کیا وہ نظروں کو جھروکے میں معلق کر دیں

جو ترے سایۂ دیوار تک آ پہنچے ہیں

اپنی تقدیر کو روتے رہیں ساحل والے

جن کو آنا تھا وہ منجدھار تک آ پہنچے ہیں

اب تو کھل جائے گا شاید تری الفت کا بھرم

اہل دل جرأت اظہار تک آ پہنچے ہیں

ایک تم ہو کہ خدا بن کے چھپے بیٹھے ہو

ایک ہم ہیں کہ لب دار تک آ پہنچے ہیں

ehtiram-e-lab-o-rukhsar tak a pahunche hain

bawalhos bhi mire meyar tak a pahunche hain

jo haqaiq the wo ashkon se ham aghosh hue

jo fasane the wo sarkar tak a pahunche hain

kya wo nazron ko jharoke mein muallaq kar den

jo tire saya-e-diwar tak a pahunche hain

apni taqdir ko rote rahen sahil wale

jin ko ana tha wo manjdhar tak a pahunche hain

ab to khul jaega shayad tiri ulfat ka bharam

ahl-e-dil jurat-e-izhar tak a pahunche hain

ek tum ho ke khuda ban ke chhupe baithe ho

ek ham hain ke lab-e-dar tak a pahunche hain