کیا جانے کس خمار میں کس جوش میں گرا

کیا جانے کس خمار میں کس جوش میں گرا

وہ پھل شجر سے جو مری آغوش میں گرا

کچھ دائرے سے بن گئے سطح خیال پر

جب کوئی پھول ساغر مے نوش میں گرا

باقی رہی نہ پھر وہ سنہری لکیر بھی

تارا جو ٹوٹ کر شب خاموش میں گرا

اڑتا رہا تو چاند سے یارا نہ تھا مرا

گھائل ہوا تو وادیٔ گل پوش میں گرا

بے آبرو نہ تھی کوئی لغزش مری قتیلؔ

میں جب گرا جہاں بھی گرا ہوش میں گرا

kya jane kis khumar mein kis josh mein gira

wo phal shajar se jo miri aghosh mein gira

kuchh daire se ban gae sath-e-khayal par

jab koi phul saghar-e-mai nosh mein gira

baqi rahi na phir wo sunahri lakir bhi

tara jo tut kar shab-e-khamosh mein gira

urta raha to chand se yara na tha mira

ghayal hua to wadi-e-gul posh mein gira

be abru na thi koi laghzish miri qatil

main jab gira jahan bhi gira hosh mein gira