رنگ جدا آہنگ جدا مہکار جدا

رنگ جدا آہنگ جدا مہکار جدا

پہلے سے اب لگتا ہے گلزار جدا

نغموں کی تخلیق کا موسم بیت گیا

ٹوٹا ساز تو ہو گیا تار سے تار جدا

بے زاری سے اپنا اپنا جام لیے

بیٹھا ہے محفل میں ہر مے خوار جدا

ملا تھا پہلے دروازے سے دروازہ

لیکن اب دیوار سے ہے دیوار جدا

یارو میں تو نکلا ہوں جاں بیچنے کو

تم کوئی اب سوچو کاروبار جدا

سوچتا ہے اک شاعر بھی اک تاجر بھی

لیکن سب کی سوچ کا ہے معیار جدا

کیا لینا اس گرگٹ جیسی دنیا سے

آئے رنگ نظر جس کا ہر بار جدا

اپنا تو ہے ظاہر و باطن ایک مگر

یاروں کی گفتار جدا کردار جدا

مل جاتا ہے موقعہ خونی لہروں کو

ہاتھوں سے جب ہوتے ہیں پتوار جدا

کس نے دیا ہے سدا کسی کا ساتھ قتیلؔ

ہو جانا ہے سب کو آخر کار جدا

rang juda ahang juda mahkar juda

pahle se ab lagta hai gulzar juda

naghmon ki takhliq ka mausam bit gaya

tuta saz to ho gaya tar se tar juda

be zari se apna apna jam liye

baitha hai mahfil mein har mai khwar juda

mila tha pahle darwaze se darwaza

lekin ab diwar se hai diwar juda

yaro mein to nikla hun jan bechne ko

tum koi ab socho karobar juda

sochta hai ik shayar bhi ik tajir bhi

lekin sab ki soch ka hai meyar juda

kya lena is girgat jaisi duniya se

ae rang nazar jis ka har bar juda

apna to hai zahir-o-batin ek magar

yaron ki guftar juda kirdar juda

mil jata hai mauqaa khuni lahron ko

hathon se jab hote hain patwar juda

kis ne diya hai sada kisi ka sath qatil

ho jana hai sab ko akhir kar juda