نئے اک شہر کو صبح سفر کیا لے چلی مجھ کو

نئے اک شہر کو صبح سفر کیا لے چلی مجھ کو

صدائیں دے رہی ہے ایک چھوٹی سی گلی مجھ کو

میں اپنی عمر بھر کا چین جب اس در پہ چھوڑ آیا

ملی ہے تب کہیں جا کر ذرا سی بے کلی مجھ کو

میں قطرے گن کے انسانوں کی تقدیریں بناتا ہوں

ذرا سی تشنہ کامی نے بنا ڈالا ولی مجھ کو

میں وہ گلشن گزیدہ ہوں کہ تنہائی کے موسم میں

نہیں ہوتے اگر کانٹے تو ڈستی ہے کلی مجھ کو

محبت تھی اسے لیکن مرا افلاس جب دیکھا

پریشاں سی نظر آئی وہ نازوں کی پلی مجھ کو

قتیلؔ آباد جب گھر تھا تو کیوں مجھ پر کہیں غزلیں

یہ طعنہ جاتے جاتے دے گئی اک دل جلی مجھ کو

nae ik shahr ko subh-e-safar kya le chali mujh ko

sadaen de rahi hai ek chhoti si gali mujh ko

main apni umr bhar ka chain jab us dar pe chhor aya

mili hai tab kahin ja kar zara si be kali mujh ko

main qatre gin ke insanon ki taqdiren banata hun

zara si tishna kami ne bana dala wali mujh ko

main wo gulshan gazida hun ke tanhai ke mausam mein

nahin hote agar kante to dasti hai kali mujh ko

mohabbat thi use lekin mira iflas jab dekha

pareshan si nazar ai wo nazon ki pali mujh ko

qatil abad jab ghar tha to kyun mujh par kahin ghazlen

ye taana jate jate de gai ik dil jali mujh ko