نہ کوئی خواب ہمارے ہیں نہ تعبیریں ہیں

نہ کوئی خواب ہمارے ہیں نہ تعبیریں ہیں

ہم تو پانی پہ بنائی ہوئی تصویریں ہیں

کیا خبر کب کسی انسان پہ چھت آن گرے

قریۂ سنگ ہے اور کانچ کی تعمیریں ہیں

لٹ گئے مفت میں دونوں، تری دولت مرا دل

اے سخی تیری مری ایک سی تقدیریں ہیں

ہم جو نا خواندہ نہیں ہیں تو چلو آؤ پڑھیں

وہ جو دیوار پہ لکھی ہوئی تحریریں ہیں

ہو نہ ہو یہ کوئی سچ بولنے والا ہے قتیلؔ

جس کے ہاتھوں میں قلم پاؤں میں زنجیریں ہیں

na koi khwab hamare hain na taabiren hain

ham to pani pe banai hui taswiren hain

kya khabar kab kisi insan pe chhat an gire

qarya-e-sang hai aur kanch ki taamiren hain

lut gae muft mein donon, tiri daulat mira dil

ai sakhi teri miri ek si taqdiren hain

ham jo na khwanda nahin hain to chalo ao parhen

wo jo diwar pe likhi hui tahriren hain

ho na ho ye koi sach bolne wala hai qatil

jis ke hathon mein qalam paon mein zanjiren hain