پربت پربت گھوم چکا ہوں صحرا صحرا چھان رہا ہوں

پربت پربت گھوم چکا ہوں صحرا صحرا چھان رہا ہوں

ہر منزل کے حق میں لیکن کافر کا ایمان رہا ہوں

تیرے در پر عمر کٹی ہے پھر بھی کیا انجان رہا ہوں

دنیا بھر کے سجدوں میں اپنے سجدے پہچان رہا ہوں

دور سنہرے گنبد چمکے لیکن گردن کون جھکائے

میں تو جنت بھی کھو کر آزاد منش انسان رہا ہوں

دیکھ مری انمول شرافت لٹ بھی گیا شرمندہ بھی ہوں

جیت بھی لی اخلاص کی بازی ہار بھی اپنی مان رہا ہوں

parbat parbat ghum chuka hun sahra sahra chhan raha hun

har manzil ke haq mein lekin kafir ka iman raha hun

tere dar par umr kati hai phir bhi kya anjan raha hun

duniya bhar ke sajdon main apne sajde pahchan raha hun

dur sunahre gumbad chamke lekin gardan kaun jhukae

main to jannat bhi kho kar azad manish insan raha hun

dekh miri anmol sharafat lut bhi gaya sharminda bhi hun

jit bhi li ikhlas ki bazi har bhi apni man raha hun