کہوں کیا فسانۂ غم اسے کون مانتا ہے

کہوں کیا فسانۂ غم اسے کون مانتا ہے

جو گزر رہی ہے مجھ پر مرا دل ہی جانتا ہے

تو صبا کا ہے وہ جھونکا جو گزر گیا چمن سے

نہ وہ رونقیں ہیں باقی نہ کہیں سہانتا ہے

اسے میں نصیب جانوں کی بشر کی خود فریبی

کوئی بھر رہا ہے دامن کوئی خاک چھانتا ہے

ترا یوں خیال آیا مجھے غم کی دوپہر میں

کوئی جیسے اپنا آنچل مرے سر پہ تانتا ہے

میں نظام زر کی دیوی سے قتیلؔ آشنا ہوں

کہیں نام اس کا سلمیٰ کہیں چندرکانتا ہے

kahun kya fasana-e-gham use kaun manta hai

jo guzar rahi hai mujh par mira dil hi janta hai

tu saba ka hai wo jhonka jo guzar gaya chaman se

na wo raunaqen hain baqi na kahin sahanata hai

use main nasib janon ki bashar ki khud farebi

koi bhar raha hai daman koi khak chhanta hai

tira yun khayal aya mujhe gham ki dopahar mein

koi jaise apna anchal mire sar pe tanta hai

main nizam-e-zar ki dewi se qatil ashna hun

kahin nam us ka salmi kahin chandarkanta hai