فراز بے خودی سے تیرا تشنہ لب نہیں اترا

فراز بے خودی سے تیرا تشنہ لب نہیں اترا

ابھی تک اس کی آنکھوں سے خمار شب نہیں اترا

ذرا میں سوچ لوں کیا کام اس کو آ پڑا مجھ سے

کبھی وہ بام تنہائی سے بے مطلب نہیں اترا

مری پرسش کو آ پہنچا حسیں بندہ کوئی ورنہ

فلک سے آج تک میری مدد کو رب نہیں اترا

ستارا سا نظر آتا ہے اوپر سے جہاں پانی

میں خوش فہمی کے اس گہرے کنویں میں کب نہیں اترا

پشیمانی کے بعد اس کو گراؤں کیسے نظروں سے

کہ جب وہ بے وفا تھا میرے دل سے تب نہیں اترا

کبھی سرتاج مجھ بے تاج کو سہواً کہا اس نے

ابھی تک میرے سر سے نشۂ منصب نہیں اترا

تمنا ہے کہ چھیڑوں نغمۂ انسانیت لیکن

قتیلؔ اب تک مرے اعصاب سے مذہب نہیں اترا

faraz-e-be khudi se tera tishna lab nahin utra

abhi tak us ki ankhon se khumar-e-shab nahin utra

zara mein soch lun kya kam us ko a para mujh se

kabhi wo bam-e-tanhai se be matlab nahin utra

miri pursish ko a pahuncha hasin banda koi warna

falak se aj tak meri madad ko rab nahin utra

sitara sa nazar ata hai upar se jahan pani

main khush fahmi ke is gahre kuen mein kab nahin utra

pashemani ke baad us ko giraun kaise nazron se

ke jab wo be wafa tha mere dil se tab nahin utra

kabhi sartaj mujh be taj ko sahwan kaha us ne

abhi tak mere sar se nasha-e-mansab nahin utra

tamanna hai ke chherun naghma-e-insaniyat lekin

qatil ab tak mire aasab se mazhab nahin utra