اتنے اونچے مرتبے تک تجھ کو پہنچائے گا کون

اتنے اونچے مرتبے تک تجھ کو پہنچائے گا کون

میں ہوا منکر تو پھر تیری قسم کھائے گا کون

تیرے رستے میں کھڑی تھیں کون سی مجبوریاں

میں سمجھ لوں گا مگر دنیا کو سمجھائے گا کون

مل رہی ہے جب ہمیں اک راحت آوارگی

لوٹ کر اس انجمن سے اپنے گھر جائے گا کون

میری معزولی کی سننا چاہتے ہیں سب خبر

سوچتا ہوں جانشیں بن کر مرا آئے گا کون

چاہتا ہوں ایک چنگاری میں اس چقماق سے

لیکن اس پتھر سے آخر مجھ کو ٹکرائے گا کون

نیک لوگوں کے لیے موجود ہو تم اے خضر

میں اگر بھٹکا تو مجھ کو راہ پر لائے گا کون

اس کے وعدوں میں قتیلؔ اک حسن اک رعنائی ہے

وہ نہ ہوگا جب تو اس سا مجھ کو بہلائے گا کون

itne unche martabe tak tujh ko pahunchaega kaun

main hua munkir to phir teri qasam khaega kaun

tere raste mein khari thin kaun si majburiyan

main samajh lunga magar duniya ko samjhaega kaun

mil rahi hai jab hamen ik rahat-e-awargi

laut kar is anjuman se apne ghar jaega kaun

meri maazuli ki sunna chahte hain sab khabar

sochta hun janishin ban kar mira aega kaun

chahta hun ek chingari mein is chaqmaq se

lekin is patthar se akhir mujh ko takraega kaun

nek logon ke liye maujud ho tum ai khizar

main agar bhatka to mujh ko rah par laega kaun

us ke waadon mein qatil ik husn ik raanai hai

wo na hoga jab to is sa mujh ko bahlaega kaun