یار کیوں گریزاں ہے سیدھی راہ چلنے سے

یار کیوں گریزاں ہے سیدھی راہ چلنے سے

منزلیں نہیں ملتیں راستے بدلنے سے

جو بھی رنگ ہے تیرا بس وہی غنیمت ہے

چہرے کب نکھرتے ہیں منہ پہ خاک ملنے سے

تیز دھوپ میں آئی ایسی لہر سردی کی

موم کا ہر اک پتلا بچ گیا پگھلنے سے

بن گئے ثبوت آخر آپ اپنے جرموں کا

ہاتھ جو معطر تھے پھول کو مسلنے سے

کر سکا ہے گدلا کون روشنی کے چشمے کو

چاند بجھ نہیں جاتا آندھیوں کے چلنے سے

سو کے تو گنوا بیٹھا رتجگوں کی رعنائی

اب قتیلؔ کیا حاصل تیرے ہاتھ ملنے سے

yar kyun gurezan hai sidhi rah chalne se

manzilen nahin miltin raste badalne se

jo bhi rang hai tera bas wahi ghanimat hai

chehre kab nikharte hain munh pe khak milne se

tez dhup mein ai aisi lahr sardi ki

mom ka har ik putla bach gaya pighalne se

ban gae subut akhir ap apne jurmon ka

hath jo muattar the phul ko masalne se

kar saka hai gadla kaun raushni ke chashme ko

chand bujh nahin jata andhiyon ke chalne se

so ke to ganwa baitha ratjagon ki raanai

ab qatil kya hasil tere hath milne se