گنگناتی سی کوئی رات بھی آ جاتی ہے

گنگناتی سی کوئی رات بھی آ جاتی ہے

آپ آتے ہیں تو برسات بھی آ جاتی ہے

ہم کو ہر چند گوارا نہیں آنسو لیکن

اپنی جھولی میں یہ خیرات بھی آ جاتی ہے

آرزوؤں کے جنازے ہی نہیں پلکوں پر

بجلیوں کی کبھی بارات بھی آ جاتی ہے

گردش جام سے ہٹ کر بھی تری آنکھوں سے

وجد میں گردش حالات بھی آ جاتی ہے

وہ فسانے جو مرے نام سے منسوب ہوئے

ان فسانوں میں تری بات بھی آ جاتی ہے

gungunati si koi rat bhi a jati hai

ap ate hain to barsat bhi a jati hai

ham ko har chand gawara nahin ansu lekin

apni jholi mein ye khairat bhi a jati hai

arzuon ke janaze hi nahin palkon par

bijliyon ki kabhi barat bhi a jati hai

gardish-e-jam se hat kar bhi tiri ankhon se

wajd mein gardish-e-halat bhi a jati hai

wo fasane jo mire nam se mansub hue

in fasanon mein tiri bat bhi a jati hai