سکون دل تو کہاں راحت نظر بھی نہیں

سکون دل تو کہاں راحت نظر بھی نہیں

یہ کیسی بزم ہے جس میں ترا گزر بھی نہیں

بھٹک رہا ہے زمانہ گھنے اندھیرے میں

وہ رات ہے جسے اندیشۂ سحر بھی نہیں

نہ جانے کون سی منزل کو لے چلے ہم کو

وہ ہم سفر جو حقیقت میں ہم سفر بھی نہیں

تری نگاہ کا دل کو یقیں سا ہے ورنہ

سنی ہے بات کچھ ایسی کہ معتبر بھی نہیں

sukun-e-dil to kahan rahat-e-nazar bhi nahin

ye kaisi bazm hai jis mein tira guzar bhi nahin

bhatak raha hai zamana ghane andhere mein

wo rat hai jise andesha-e-sahar bhi nahin

na jane kaun si manzil ko le chale ham ko

wo ham safar jo haqiqat mein ham safar bhi nahin

tiri nigah ka dil ko yaqin sa hai warna

suni hai bat kuchh aisi ke motabar bhi nahin