حالات کی بھیگی رات بھی ہے جذبات کا تیز الاؤ بھی

حالات کی بھیگی رات بھی ہے جذبات کا تیز الاؤ بھی

میں کون سی آگ میں جل جاؤں اے نکتہ ورو سمجھاؤ بھی

ہر چند نظر نے جھیلے ہیں ہر بار سنہرے گھاؤ بھی

ہم آج بھی دھوکہ کھا لیں گے تم بھیس بدل کر آؤ بھی

گرداب کے خونیں حلقوں سے جب کھیل چکی ہے ناؤ بھی

پتوار بدلنا کیا معنی؟ ملاحوں کو سمجھاؤ بھی

بے کیف جھکولے کانٹوں کو شاداب تو کیا کر پائیں گے

جو پھول پڑے ہیں راہوں میں ان پھولوں کو مہکاؤ بھی

ہم سے تو جفاؤں کے شکوے تم ہنس کر چھین بھی سکتے ہو

ہم دل کو پشیماں کر لیں گے تم پیار سے آنکھ جھکاؤ بھی

گل رنگ چراغوں کی لو سے تاریک اجالے پھوٹ بہے

ہر طاق میں گھور اندھیرا ہے اس رنگ محل کو ڈھاؤ بھی

halat ki bhigi rat bhi hai jazbat ka tez alao bhi

main kaun si ag mein jal jaun ai nukta waro samjhao bhi

har chand nazar ne jhele hain har bar sunahre ghao bhi

ham aj bhi dhoka kha lenge tum bhes badal kar ao bhi

girdab ke khunin halqon se jab khel chuki hai nao bhi

patwar badalna kya maani? mallahon ko samjhao bhi

be kaif jhakole kanton ko shadab to kya kar paenge

jo phul pare hain rahon mein in phulon ko mahkao bhi

ham se to jafaon ke shikwe tum hans kar chhin bhi sakte ho

ham dil ko pasheman kar lenge tum pyar se ankh jhukao bhi

gul rang charaghon ki lau se tarik ujale phut bahe

har taq mein ghur andhera hai is rang mahal ko dhao bhi