نگاہوں میں چمک دل میں خوشی محسوس کرتا ہوں

نگاہوں میں چمک دل میں خوشی محسوس کرتا ہوں

کہ تیرے بس میں اپنی زندگی محسوس کرتا ہوں

تھکا دیتی ہیں جب کونین کی پہنائیاں مجھ کو

ترے در پر پہنچ کر تازگی محسوس کرتا ہوں

بہ مجبوری مقدر کے افق سے جھانکنے والے

تری آنکھوں میں اک شرمندگی محسوس کرتا ہوں

جوانی کو سزائے لذت احساس دے دینا

میں اس حد پر خدا کو آدمی محسوس کرتا ہوں

شب آخر فلک پر ٹمٹما کر ڈوبتے تارے

میں اپنے ساتھ تیرا درد بھی محسوس کرتا ہوں

nigahon mein chamak dil mein khushi mahsus karta hun

ke tere bas main apni zindagi mahsus karta hun

thaka deti hain jab kaunain ki pahnaiyan mujh ko

tire dar par pahunch kar tazgi mahsus karta hun

ba majburi muqaddar ke ufuq se jhankne wale

tiri ankhon mein ik sharmindagi mahsus karta hun

jawani ko saza-e-lazzat-e-ehsas de dena

main is had par khuda ko admi mahsus karta hun

shab-e-akhir falak par timtima kar dubte tare

main apne sath tera dard bhi mahsus karta hun