اب تو بیداد پہ بیداد کرے گی دنیا
Qateel Shifai (1919–2001)اب تو بیداد پہ بیداد کرے گی دنیا
ہم نہ ہوں گے تو ہمیں یاد کرے گی دنیا
زندگی بھاگ چلی موت کے دروازے سے
اب قفس کون سا ایجاد کرے گی دنیا
ہم تو حاضر ہیں پر اے سلسلۂ جور قدیم
ختم کب ورثۂ اجداد کرے گی دنیا
سامنے آئیں گے اپنی ہی وفا کے پہلو
جب کسی اور کو برباد کرے گی دنیا
کیا ہوئے ہم کہ نہ تھے مرگ بشر کے قائل
لوگ پوچھیں گے تو فریاد کرے گی دنیا
ab to bedad pe bedad karegi duniya
ham na honge to hamen yad karegi duniya
zindagi bhag chali maut ke darwaze se
ab qafas kaun sa ijad karegi duniya
ham to hazir hain par ai silsila-e-jaur-e-qadim
khatm kab wirsa-e-ajdad karegi duniya
samne aenge apni hi wafa ke pahlu
jab kisi aur ko barbad karegi duniya
kya hue ham ke na the marg bashar ke qail
log puchhenge to fariyad karegi duniya