کھلے گی اس نظر پہ چشم تر آہستہ آہستہ

کھلے گی اس نظر پہ چشم تر آہستہ آہستہ

کیا جاتا ہے پانی میں سفر آہستہ آہستہ

کوئی زنجیر پھر واپس وہیں پر لے کے آتی ہے

کٹھن ہو راہ تو چھٹتا ہے گھر آہستہ آہستہ

بدل دینا ہے رستہ یا کہیں پر بیٹھ جانا ہے

کہ تھکتا جا رہا ہے ہم سفر آہستہ آہستہ

خلش کے ساتھ اس دل سے نہ میری جاں نکل جائے

کھنچے تیر شناسائی مگر آہستہ آہستہ

ہوا سے سرکشی میں پھول کا اپنا زیاں دیکھا

سو جھکتا جا رہا ہے اب یہ سر آہستہ آہستہ

مری شعلہ مزاجی کو وہ جنگل کیسے راس آئے

ہوا بھی سانس لیتی ہو جدھر آہستہ آہستہ

khulegi is nazar pe chashm-e-tar ahista ahista

kiya jata hai pani mein safar ahista ahista

koi zanjir phir wapas wahin par le ke ati hai

kathin ho rah to chhutta hai ghar ahista ahista

badal dena hai rasta ya kahin par baith jana hai

ke thakta ja raha hai ham safar ahista ahista

khalish ke sath is dil se na meri jan nikal jae

khinche tir-e-shanasai magar ahista ahista

hawa se sarkashi mein phul ka apna ziyan dekha

so jhukta ja raha hai ab ye sar ahista ahista

miri shola mizaji ko wo jangal kaise ras ae

hawa bhi sans leti ho jidhar ahista ahista