دھوپ سات رنگوں میں پھیلتی ہے آنکھوں پر

دھوپ سات رنگوں میں پھیلتی ہے آنکھوں پر

برف جب پگھلتی ہے اس کی نرم پلکوں پر

پھر بہار کے ساتھی آ گئے ٹھکانوں پر

سرخ سرخ گھر نکلے سبز سبز شاخوں پر

جسم و جاں سے اترے گی گرد پچھلے موسم کی

دھو رہی ہیں سب چڑیاں اپنے پنکھ چشموں پر

ساری رات سوتے میں مسکرا رہا تھا وہ

جیسے کوئی سپنا سا کانپتا تھا ہونٹوں پر

تتلیاں پکڑنے میں دور تک نکل جانا

کتنا اچھا لگتا ہے پھول جیسے بچوں پر

لہر لہر کرنوں کو چھیڑ کر گزرتی ہے

چاندنی اترتی ہے جب شریر جھرنوں پر

dhup sat rangon mein phailti hai ankhon par

barf jab pighalti hai us ki narm palkon par

phir bahar ke sathi a gae thikanon par

surkh surkh ghar nikle sabz sabz shakhon par

jism-o-jan se utregi gard pichhle mausam ki

dho rahi hain sab chiriyan apne pankh chashmon par

sari rat sote mein muskura raha tha wo

jaise koi sapna sa kanpta tha honton par

titliyan pakarne mein dur tak nikal jana

kitna achchha lagta hai phul jaise bachchon par

lahr lahr kirnon ko chher kar guzarti hai

chandni utarti hai jab sharir jharnon par