رکی ہوئی ہے ابھی تک بہار آنکھوں میں

رکی ہوئی ہے ابھی تک بہار آنکھوں میں

شب وصال کا جیسے خمار آنکھوں میں

مٹا سکے گی اسے گرد ماہ و سال کہاں

کھنچی ہوئی ہے جو تصویر یار آنکھوں میں

بس ایک شب کی مسافت تھی اور اب تک ہے

مہ و نجوم کا سارا غبار آنکھوں میں

ہزار صاحب رخش صبا مزاج آئے

بسا ہوا ہے وہی شہ سوار آنکھوں میں

وہ ایک تھا پہ کیا اس کو جب تہہ تلوار

تو بٹ گیا وہی چہرہ ہزار آنکھوں میں

ruki hui hai abhi tak bahar ankhon mein

shab-e-wisal ka jaise khumar ankhon mein

mita sakegi use gard-e-mah-o-sal kahan

khinchi hui hai jo taswir-e-yar ankhon mein

bas ek shab ki masafat thi aur ab tak hai

mah-o-nujum ka sara ghubar ankhon mein

hazar sahab rakhsh-e-saba mizaj ae

basa hua hai wahi shah sawar ankhon mein

wo ek tha pe kiya us ko jab tah-e-talwar

tu bat gaya wahi chehra hazar ankhon mein