سمندروں کے ادھر سے کوئی صدا آئی

سمندروں کے ادھر سے کوئی صدا آئی

دلوں کے بند دریچے کھلے ہوا آئی

سرک گئے تھے جو آنچل وہ پھر سنوارے گئے

کھلے ہوئے تھے جو سر ان پہ پھر ردا آئی

اتر رہی ہیں عجب خوشبوئیں رگ و پے میں

یہ کس کو چھو کے مرے شہر میں صبا آئی

اسے پکارا تو ہونٹوں پہ کوئی نام نہ تھا

محبتوں کے سفر میں عجب فضا آئی

کہیں رہے وہ مگر خیریت کے ساتھ رہے

اٹھائے ہاتھ تو یاد ایک ہی دعا آئی

samundaron ke idhar se koi sada ai

dilon ke band dariche khule hua ai

sarak gae the jo anchal wo phir sanware gae

khule hue the jo sar un pe phir rida ai

utar rahi hain ajab khushbuen rag-o-pe mein

ye kis ko chhu ke mire shahr mein saba ai

use pukara to honton pe koi nam na tha

mohabbaton ke safar mein ajab faza ai

kahin rahe wo magar khairiyat ke sath rahe

uthae hath to yad ek hi dua ai