سندر کومل سپنوں کی بارات گزر گئی جاناں

سندر کومل سپنوں کی بارات گزر گئی جاناں

دھوپ آنکھوں تک آ پہنچی ہے رات گزر گئی جاناں

بھور سمے تک جس نے ہمیں باہم الجھائے رکھا

وہ البیلی ریشم ایسی بات گزر گئی جاناں

سدا کی دیکھی رات ہمیں اس بار ملی تو چپکے سے

خالی بات پہ رکھ کے کیا سوغات گزر گئی جاناں

کس کونپل کی آس میں اب تک ویسے ہی سرسبز ہو تم

اب تو دھوپ کا موسم ہے برسات گزر گئی جاناں

لوگ نہ جانے کن راتوں کی مرادیں مانگا کرتے ہیں

اپنی رات تو وہ جو تیرے سات گزر گئی جاناں

اب تو فقط صیاد کی دل داری کا بہانہ ہے ورنہ

ہم کو دام میں لانے والی گھات گزر گئی جاناں

sundar komal sapnon ki barat guzar gai janan

dhup ankhon tak a pahunchi hai rat guzar gai janan

bhur samay tak jis ne hamen baham uljhae rakha

wo albeli resham aisi bat guzar gai janan

sada ki dekhi rat hamen is bar mili to chupke se

khali bat pe rakh ke kya saughat guzar gai janan

kis konpal ki as mein ab tak waise hi sarsabz ho tum

ab to dhup ka mausam hai barsat guzar gai janan

log na jane kin raton ki muraden manga karte hain

apni rat to wo jo tere sat guzar gai janan

ab to faqat sayyad ki dil dari ka bahana hai warna

ham ko dam mein lane wali ghat guzar gai janan