الزام تھا دیے پہ نہ تقصیر رات کی

الزام تھا دیے پہ نہ تقصیر رات کی

ہم نے تو بس ہوا کے تعلق سے بات کی

ہر صبح جب کہ صبح قیامت کی طرح آئے

ایسے میں کون ہوگا جو سوچے ثبات کی

تکلیف تو ہوئی مگر اے ناخن ملال

کھلنے لگی گرہ بھی کوئی اپنی ذات کی

زنجیر ہے جزیرہ ہے یا شاخ بے ثمر

اب کون سی لکیر سلامت ہے ہات کی

مرنے اگر نہ پائی تو زندہ بھی کب رہی

تنہا کٹی وہ عمر جو تھی تیرے ساتھ کی

پھر بھی نہ میرا قافلہ لٹنے سے بچ سکا

میں نے خبر تو رکھی تھی ایک ایک گھات کی

ilzam tha diye pe na taqsir rat ki

ham ne to bas hawa ke taalluq se bat ki

har subh jab ke subh-e-qayamat ki tarah ae

aise mein kaun hoga jo soche sabat ki

taklif to hui magar ai nakhun-e-malal

khulne lagi girah bhi koi apni zat ki

zanjir hai jazira hai ya shakh-e-be samar

ab kaun si lakir salamat hai hat ki

marne agar na pai to zinda bhi kab rahi

tanha kati wo umr jo thi tere sath ki

phir bhi na mera qafila lutne se bach saka

main ne khabar to rakhi thi ek ek ghat ki