وہ مجبوری نہیں تھی یہ اداکاری نہیں ہے

وہ مجبوری نہیں تھی یہ اداکاری نہیں ہے

مگر دونوں طرف پہلی سی سرشاری نہیں ہے

بہانے سے اسے بس دیکھ آنا پل دو پل کو

یہ فرد جرم ہے اور آنکھ انکاری نہیں ہے

میں تیری سرد مہری سے ذرا بد دل نہیں ہوں

مرے دشمن ترا یہ وار بھی کاری نہیں ہے

میں اس کے قول پر ایمان لا کر خوف میں ہوں

کہیں لہجے میں تو ظالم کے عیاری نہیں ہے

wo majburi nahin thi ye adakari nahin hai

magar donon taraf pahli si sarshari nahin hai

bahane se use bas dekh ana pal do pal ko

ye fard-e-jurm hai aur ankh inkari nahin hai

main teri sard mehri se zara bad dil nahin hun

mire dushman tira ye war bhi kari nahin hai

main us ke qaul par iman la kar khauf mein hun

kahin lahje mein to zalim ke ayyari nahin hai