قریۂ جاں میں کوئی پھول کھلانے آئے

قریۂ جاں میں کوئی پھول کھلانے آئے

وہ مرے دل پہ نیا زخم لگانے آئے

میرے ویران دریچوں میں بھی خوشبو جاگے

وہ مرے گھر کے در و بام سجانے آئے

اس سے اک بار تو روٹھوں میں اسی کی مانند

اور مری طرح سے وہ مجھ کو منانے آئے

اسی کوچے میں کئی اس کے شناسا بھی تو ہیں

وہ کسی اور سے ملنے کے بہانے آئے

اب نہ پوچھوں گی میں کھوئے ہوئے خوابوں کا پتہ

وہ اگر آئے تو کچھ بھی نہ بتانے آئے

ضبط کی شہر پناہوں کی مرے مالک خیر

غم کا سیلاب اگر مجھ کو بہانے آئے

qarya-e-jan mein koi phul khilane ae

wo mire dil pe naya zakhm lagane ae

mere wiran darichon mein bhi khushbu jage

wo mire ghar ke dar-o-bam sajane ae

us se ik bar to ruthun mein usi ki manind

aur miri tarah se wo mujh ko manane ae

usi kuche mein kai us ke shanasa bhi to hain

wo kisi aur se milne ke bahane ae

ab na puchhungi mein khoe hue khwabon ka pata

wo agar ae to kuchh bhi na batane ae

zabt ki shahr panahon ki mire malik khair

gham ka sailab agar mujh ko bahane ae