پھر گویا ہوئی شام پرندوں کی زبانی

پھر گویا ہوئی شام پرندوں کی زبانی

آؤ سنیں مٹی سے ہی مٹی کی کہانی

واقف نہیں اب کوئی سمندر کی زباں سے

صدیوں کی مسافت کو سناتا تو ہے پانی

اترے کوئی مہتاب کہ کشتی ہو تہہ آب

دریا میں بدلتی نہیں دریا کی روانی

کہتا ہے کوئی کچھ تو سمجھتا ہے کوئی کچھ

لفظوں سے جدا ہو گئے لفظوں کے معانی

اس بار تو دونوں تھے نئی راہوں کے راہی

کچھ دور ہی ہم راہ چلیں یادیں پرانی

phir goya hui sham parindon ki zabani

ao sunen mitti se hi mitti ki kahani

waqif nahin ab koi samundar ki zaban se

sadiyon ki masafat ko sunata to hai pani

utre koi mahtab ke kashti ho tah-e-ab

dariya mein badalti nahin dariya ki rawani

kahta hai koi kuchh to samajhta hai koi kuchh

lafzon se juda ho gae lafzon ke maani

is bar to donon the nai rahon ke rahi

kuchh dur hi ham rah chalen yaden purani