دعا سلام میں لپٹی ضرورتیں مانگے

دعا سلام میں لپٹی ضرورتیں مانگے

قدم قدم پہ یہ بستی تجارتیں مانگے

کہاں ہر ایک کو آتی ہے راس بربادی

نئے سفر کی مسافت ذہانتیں مانگے

چمکتے کپڑے مہکتا خلوص پختہ مکاں

ہر ایک بزم میں عزت حفاظتیں مانگے

کوئی دھماکا کوئی چیخ کوئی ہنگامہ

لہو بدن کا لہو کی شباہتیں مانگے

کوئی نہ ہو مرے ترے علاوہ بستی میں

کبھی کبھی یہی جذبہ رقابتیں مانگے

dua salam mein lipti zaruraten mange

qadam qadam pe ye basti tijaraten mange

kahan har ek ko ati hai ras barbadi

nae safar ki masafat zihanaten mange

chamakte kapre mahakta khulus-e-pukhta makan

har ek bazm mein izzat hifazaten mange

koi dhamaka koi chikh koi hangama

lahu badan ka lahu ki shabahaten mange

koi na ho mire tire alawa basti mein

kabhi kabhi yahi jazba raqabaten mange