تلاش کر نہ زمیں آسمان سے باہر

تلاش کر نہ زمیں آسمان سے باہر

نہیں ہے راہ کوئی اس مکان سے باہر

بس ایک دو ہی قدم اور تھے سفر والے

تھکان دیکھ نہ پائی تھکان سے باہر

نصاب درجہ بہ درجہ یوں ہی بدلتا ہے

ہوا نہ کوئی بھی اس امتحان سے باہر

اسی کی جستجو اکثر اداس کرتی ہے

وہ اک جہاں جو ہے ہر جہان سے باہر

نمازیوں سے کہو دیکھیں چاند سورج کو

نکل رہے ہیں مؤذن اذان سے باہر

talash kar na zamin asman se bahar

nahin hai rah koi is makan se bahar

bas ek do hi qadam aur the safar wale

thakan dekh na pai thakan se bahar

nisab darja ba darja yun hi badalta hai

hawa na koi bhi is imtihan se bahar

usi ki justuju aksar udas karti hai

wo ik jahan jo hai har jahan se bahar

namaziyon se kaho dekhen chand suraj ko

nikal rahe hain muazzin azan se bahar