ہر چمکتی قربت میں ایک فاصلہ دیکھوں

ہر چمکتی قربت میں ایک فاصلہ دیکھوں

کون آنے والا ہے کس کا راستہ دیکھوں

شام کا دھندلکا ہے یا اداس ممتا ہے

بھولی بسری یادوں سے پھوٹتی دعا دیکھوں

مسجدوں میں سجدوں کی مشعلیں ہوئیں روشن

بے چراغ گلیوں میں کھیلتا خدا دیکھوں

لہر لہر پانی میں ڈوبتا ہوا سورج

کون مجھ میں در آیا اٹھ کے آئنا دیکھوں

لہلہاتے موسم میں تیرا ذکر شادابی

شاخ شاخ پر تیرے نام کو ہرا دیکھوں

har chamakti qurbat mein ek fasla dekhun

kaun ane wala hai kis ka rasta dekhun

sham ka dhundalka hai ya udas mamta hai

bhuli bisri yadon se phutti dua dekhun

masjidon mein sajdon ki mashlen huin raushan

be charagh galiyon mein khelta khuda dekhun

lahr lahr pani mein dubta hua suraj

kaun mujh mein dar aya uth ke ana dekhun

lahlahate mausam mein tera zikr shadabi

shakh shakh par tere nam ko hara dekhun