ذہانتوں کو کہاں کرب سے فرار ملا

ذہانتوں کو کہاں کرب سے فرار ملا

جسے نگاہ ملی اس کو انتظار ملا

وہ کوئی راہ کا پتھر ہو یا حسیں منظر

جہاں بھی راستہ ٹھہرا وہیں مزار ملا

کوئی پکار رہا تھا کھلی فضاؤں سے

نظر اٹھائی تو چاروں طرف حصار ملا

ہر ایک سانس نہ جانے تھی جستجو کس کی

ہر اک دیار مسافر کو بے دیار ملا

یہ شہر ہے کہ نمائش لگی ہوئی ہے کوئی

جو آدمی بھی ملا بن کے اشتہار ملا

zihanaton ko kahan karb se farar mila

jise nigah mili us ko intizar mila

wo koi rah ka patthar ho ya hasin manzar

jahan bhi rasta thahra wahin mazar mila

koi pukar raha tha khuli fazaon se

nazar uthai to charon taraf hisar mila

har ek sans na jane thi justuju kis ki

har ik dayar-e-musafir ko be dayar mila

ye shahr hai ke numaish lagi hui hai koi

jo admi bhi mila ban ke ishtihar mila