کوئی کسی کی طرف ہے کوئی کسی کی طرف

کوئی کسی کی طرف ہے کوئی کسی کی طرف

کہاں ہے شہر میں اب کوئی زندگی کی طرف

سبھی کی نظروں میں غائب تھا جو وہ حاضر تھا

کسی نے رک کے نہیں دیکھا آدمی کی طرف

تمام شہر کی شمعیں اسی سے روشن تھیں

کبھی اجالا بہت تھا کسی گلی کی طرف

کہیں کی بھوک ہو ہر کھیت اس کا اپنا ہے

کہیں کی پیاس ہو جائے گی وہ ندی کی طرف

نہ نکلے خیر سے علامہ قول سے باہر

یگانہؔ ٹوٹ گئے جب چلے خودی کی طرف

koi kisi ki taraf hai koi kisi ki taraf

kahan hai shahr mein ab koi zindagi ki taraf

sabhi ki nazron mein ghaib tha jo wo hazir tha

kisi ne ruk ke nahin dekha admi ki taraf

tamam shahr ki shamen usi se raushan thin

kabhi ujala bahut tha kisi gali ki taraf

kahin ki bhuk ho har khet us ka apna hai

kahin ki pyas ho jaegi wo nadi ki taraf

na nikle khair se allama qaul se bahar

yagana tut gae jab chale khudi ki taraf