Arooz is now on the App Store, for iPhone and iPad. Download →

All poetry

ہر اک رستہ اندھیروں میں گھرا ہے

Nida Fazli (1938–2016)

ہر اک رستہ اندھیروں میں گھرا ہے

محبت اک ضروری حادثہ ہے

گرجتی آندھیاں ضائع ہوئی ہیں

زمیں پہ ٹوٹ کے آنسو گرا ہے

نکل آئے کدھر منزل کی دھن میں

یہاں تو راستہ ہی راستہ ہے

دعا کے ہاتھ پتھر ہو گئے ہیں

خدا ہر ذہن میں ٹوٹا پڑا ہے

تمہارا تجربہ شاید الگ ہو

مجھے تو علم نے بھٹکا دیا ہے