نیل گگن میں تیر رہا ہے اجلا اجلا پورا چاند

نیل گگن میں تیر رہا ہے اجلا اجلا پورا چاند

ماں کی لوری سا بچے کے دودھ کٹورے جیسا چاند

منی کی بھولی باتوں سی چٹکیں تاروں کی کلیاں

پپو کی خاموشی شرارت سا چھپ چھپ کر ابھرا چاند

مجھ سے پوچھو کیسے کاٹی میں نے پربت جیسی رات

تم نے تو گودی میں لے کر گھنٹوں چوما ہوگا چاند

پردیسی سونی آنکھوں میں شعلے سے لہراتے ہیں

بھابی کی چھڑیوں سا بادل آپا کی چٹکی سا چاند

تم بھی لکھنا تم نے اس شب کتنی بار پیا پانی

تم نے بھی تو چھجے اوپر دیکھا ہوگا پورا چاند

nil gagan mein tir raha hai ujla ujla pura chand

man ki lori sa bachche ke dudh katore jaisa chand

mani ki bhuli baton si chatken taron ki kaliyan

papo ki khamoshi shararat sa chhup chhup kar ubhra chand

mujh se puchho kaise kati main ne parbat jaisi rat

tum ne to godi mein le kar ghanton chuma hoga chand

pardesi suni ankhon mein shole se lahrate hain

bhabi ki chhariyon sa badal apa ki chutki sa chand

tum bhi likhna tum ne is shab kitni bar piya pani

tum ne bhi to chhije upar dekha hoga pura chand