تیرا سچ ہے ترے عذابوں میں

تیرا سچ ہے ترے عذابوں میں

جھوٹ لکھا ہے سب کتابوں میں

ایک سے مل کے سب سے مل لیجے

آج ہر شخص ہے نقابوں میں

تیرا ملنا ترا نہیں ملنا

ایک رستہ کئی سرابوں میں

ان کی ناکامیوں کو بھی گنیے

جن کی شہرت ہے کامیابوں میں

روشنی تھی سوال کی حد تک

ہر نظر کھو گئی جوابوں میں

tera sach hai tire azabon mein

jhut likha hai sab kitabon mein

ek se mil ke sab se mil lije

aj har shakhs hai naqabon mein

tera milna tira nahin milna

ek rasta kai sarabon mein

un ki nakamiyon ko bhi giniye

jin ki shohrat hai kamyabon mein

raushni thi sawal ki had tak

har nazar kho gai jawabon mein