کوئی نہیں ہے آنے والا پھر بھی کوئی آنے کو ہے

کوئی نہیں ہے آنے والا پھر بھی کوئی آنے کو ہے

آتے جاتے رات اور دن میں کچھ تو جی بہلانے کو ہے

چلو یہاں سے اپنی اپنی شاخوں پہ لوٹ آئے پرندے

بھولی بسری یادوں کو پھر تنہائی دہرانے کو ہے

دو دروازے ایک حویلی آمد رخصت ایک پہیلی

کوئی جا کر آنے کو ہے کوئی آ کر جانے کو ہے

دن بھر کا ہنگامہ سارا شام ڈھلے پھر بستر پیارا

میرا رستہ ہو یا تیرا ہر رستہ گھر جانے کو ہے

آبادی کا شور شرابہ چھوڑ کے ڈھونڈو کوئی خرابہ

تنہائی پھر شمع جلا کر کوئی حرف سنانے کو ہے

koi nahin hai ane wala phir bhi koi ane ko hai

ate jate rat aur din mein kuchh to ji bahlane ko hai

chalo yahan se apni apni shakhon pe laut ae parinde

bhuli bisri yadon ko phir tanhai dohrane ko hai

do darwaze ek haweli amad rukhsat ek paheli

koi ja kar ane ko hai koi a kar jane ko hai

din bhar ka hangama sara sham dhale phir bistar pyara

mera rasta ho ya tera har rasta ghar jane ko hai

abadi ka shor sharaba chhor ke dhundo koi kharaba

tanhai phir shama jala kar koi harf sunane ko hai