کسی سے خوش ہے کسی سے خفا خفا سا ہے

کسی سے خوش ہے کسی سے خفا خفا سا ہے

وہ شہر میں ابھی شاید نیا نیا سا ہے

نہ جانے کتنے بدن وہ پہن کے لیٹا ہے

بہت قریب ہے پھر بھی چھپا چھپا سا ہے

سلگتا شہر ندی خون کب کی باتیں ہیں

کہیں کہیں سے یہ قصہ سنا سنا سا ہے

سروں کے سینگ تو جنگل کی دین ہوتے ہیں

وہ آدمی تو ہے لیکن ڈرا ڈرا سا ہے

کچھ اور دھوپ تو ہو اوس سوکھ جانے تک

وہ پیڑ اب کے برس بھی ہرا ہرا سا ہے

kisi se khush hai kisi se khafa khafa sa hai

wo shahr mein abhi shayad naya naya sa hai

na jane kitne badan wo pahan ke leta hai

bahut qarib hai phir bhi chhupa chhupa sa hai

sulagta shahr nadi khun kab ki baten hain

kahin kahin se ye qissa suna suna sa hai

saron ke sing to jangal ki din hote hain

wo admi to hai lekin dara dara sa hai

kuchh aur dhup to ho os sukh jane tak

wo per ab ke baras bhi hara hara sa hai