راکشس تھا نہ خدا تھا پہلے

راکشس تھا نہ خدا تھا پہلے

آدمی کتنا بڑا تھا پہلے

آسماں کھیت سمندر سب لال

خون کاغذ پہ اگا تھا پہلے

میں وہ مقتول جو قاتل نہ بنا

ہاتھ میرا بھی اٹھا تھا پہلے

اب کسی سے بھی شکایت نہ رہی

جانے کس کس سے گلا تھا پہلے

شہر تو بعد میں ویران ہوا

میرا گھر خاک ہوا تھا پہلے

rakshas tha na khuda tha pahle

admi kitna bara tha pahle

asman khet samundar sab lal

khun kaghaz pe uga tha pahle

main wo maqtul jo qatil na bana

hath mera bhi utha tha pahle

ab kisi se bhi shikayat na rahi

jane kis kis se gila tha pahle

shahr to baad mein wiran hua

mera ghar khak hua tha pahle