جب بھی کسی نے خود کو صدا دی

جب بھی کسی نے خود کو صدا دی

سناٹوں میں آگ لگا دی

مٹی اس کی پانی اس کا

جیسی چاہی شکل بنا دی

چھوٹا لگتا تھا افسانہ

میں نے تیری بات بڑھا دی

جب بھی سوچا اس کا چہرہ

اپنی ہی تصویر بنا دی

تجھ کو تجھ میں ڈھونڈ کے ہم نے

دنیا تیری شان بڑھا دی

jab bhi kisi ne khud ko sada di

sannaton mein ag laga di

mitti us ki pani us ka

jaisi chahi shakl bana di

chhota lagta tha afsana

main ne teri bat barha di

jab bhi socha us ka chehra

apni hi taswir bana di

tujh ko tujh mein dhund ke ham ne

duniya teri shan barha di