کچے بخیے کی طرح رشتے ادھڑ جاتے ہیں

کچے بخیے کی طرح رشتے ادھڑ جاتے ہیں

لوگ ملتے ہیں مگر مل کے بچھڑ جاتے ہیں

یوں ہوا دوریاں کم کرنے لگے تھے دونوں

روز چلنے سے تو رستے بھی اکھڑ جاتے ہیں

چھانو میں رکھ کے ہی پوجا کرو یہ موم کے بت

دھوپ میں اچھے بھلے نقش بگڑ جاتے ہیں

بھیڑ سے کٹ کے نہ بیٹھا کرو تنہائی میں

بے خیالی میں کئی شہر اجڑ جاتے ہیں

kachche bakhiye ki tarah rishte udhar jate hain

log milte hain magar mil ke bichhar jate hain

yun hua duriyan kam karne lage the donon

roz chalne se to raste bhi ukhar jate hain

chhano mein rakh ke hi puja karo ye mom ke but

dhup mein achchhe bhale naqsh bigar jate hain

bhir se kat ke na baitha karo tanhai mein

be khayali mein kai shahr ujar jate hain