Arooz is now on the App Store, for iPhone and iPad. Download →

All poetry

بندرابن کے کرشن کنھیا اللہ ہو

Nida Fazli (1938–2016)

بندرابن کے کرشن کنھیا اللہ ہو

بنسی رادھا گیتا گیا اللہ ہو

تھوڑے تنکے تھوڑے دانے تھوڑا جل

ایک ہی جیسی ہر گوریا اللہ ہو

جیسا جس کا برتن ویسا اس کا تن

گھٹتی بڑھتی گنگا میا اللہ ہو

ایک ہی دریا نیلا پیلا لال ہرا

اپنی اپنی سب کی نیا اللہ ہو

مولویوں کا سجدہ پنڈت کی پوجا

مزدوروں کی ہیا ہیا اللہ ہو