جانے والوں سے رابطہ رکھنا

جانے والوں سے رابطہ رکھنا

دوستو رسم فاتحہ رکھنا

گھر کی تعمیر چاہے جیسی ہو

اس میں رونے کی کچھ جگہ رکھنا

مسجدیں ہیں نمازیوں کے لیے

اپنے گھر میں کہیں خدا رکھنا

جسم میں پھیلنے لگا ہے شہر

اپنی تنہائیاں بچا رکھنا

ملنا جلنا جہاں ضروری ہے

ملنے جلنے کا حوصلہ رکھنا

عمر کرنے کو ہے پچاس کو پار

کون ہے کس جگہ پتا رکھنا

jane walon se rabta rakhna

dosto rasm-e-fatiha rakhna

ghar ki taamir chahe jaisi ho

is mein rone ki kuchh jagah rakhna

masjiden hain namaziyon ke liye

apne ghar mein kahin khuda rakhna

jism mein phailne laga hai shahr

apni tanhaiyan bacha rakhna

milna jalna jahan zaruri hai

milne jalne ka hausla rakhna

umr karne ko hai pachas ko par

kaun hai kis jagah pata rakhna